Американскиот претседател Доналд Трамп се закани преку твит дека ќе ги укине сите идни прес-конференции во Белата куќа.
– Бидејќи сум многу активен претседател со работите кои се случуваат, не е можно моите соработници да застанат на говорница и да бидат совршено точни. Можеби е најдобро да се укинат сите идни брифинзи и да се даваат писмени одговори во интерес на вистината???, напишал Трамп на Твитер.
…Maybe the best thing to do would be to cancel all future "press briefings" and hand out written responses for the sake of accuracy???
— Donald J. Trump (@realDonaldTrump) May 12, 2017
Ваквиот потег е направен по непријатната ситуација со која се соочи Белата куќа поради различните објаснувања за причините на Трамп да го смени директорот на ФБИ, Џејмс Коми.
Откако Трамп го смени Коми, неговите советници изјавија дека тоа го направил по препорака на заменик министерот за правда Род Розенстајн. Потоа и самиот Трамп и неговите советници истакнаа дека тој планирал да го отстрани Коми од функцијата уште пред да ја добие препораката.