Стотина ученици со посебни потреби од Штип, Неготино и Кавадарци денеска учествуваа во спортскиот турнир „Кежо“ – Штип, кој е поддржан од Општина Штип. Учениците со посебни потреби се натрпеваруваа во пинг-понг, кошарка и други спортски дисциплини.
Градоначалникот на Општина Штип, Илчо Захариев во обраќањето на отварањето на турнирот „Кежо“ истакна дека спортот им е потребен на сите.
– Верувам дека денеска сите ќе уживате во игрите со вашите другарчиња. Резултатот не е најбитен, битно е дружењето, рече Захариев.
Наставниците кои заедно со учениците беа дел од спортскиот турник „Кежо“ забележуваат дека спортот е од голема важност за лицата со посебни потреби. На овој начин, сметаат тие, ја подобруваат својата физичка моторика, а истовремено го јакнат и натпреварувачкиот дух. Спортскиот турнир „Кежо“ за учениците со посебни потреби се одржува во петти пат во Штип.
