Европската комисија ќе ја ревидира својата проценка за стопанскиот раст на Грција за оваа година на околу 2 отсто од претходно предвидените 2,7 проценти.
Намалувањето на проекцијата е последица од неизвесноста предизвикана од одолговлекувањето на грчките реформи предвидени со договорот за помош на Грција, кој опфаќа и исплата на кредити на земјата во износ од 86 милијарди евра.
Кредиторите од еврозоната и грчката Влада минатата недела постигнаа прелиминарен договор, кој треба да отвори пат за исплата на нова транша од помошта за Атина во наредните недели.