Деца од три паралелки од 4-то одделение од општинското основно училиште “11-ти Октомври“ денеска беа во посета на општина Центар.
Тие, во рамките на наставната програма се запознаа со работата на општината, работата на градоначалникот, на советот и на општинската администрација. Прашањата кои ги упатија до градоначалникот на општина Центар беа околу неговото функционирање, колку години е избран и која е неговата надлежност.
Учениците од 4-то одделение се интересираа за тоа дали и на кој начин општина Центар соработува со другите општини и како се постапува и кој е надлежен доколку некоја улица граничи со улица од друга општина.
Претходно, во посета на општина Центар беа учениците од 3-то и 4-то одделение од ООУ “Димитар Миладинов“.