Критиките на Кина за севернокорејската нуклеарна програма го ставаат на испит трпението на Пјонгјанг и може да предизвикаат тешки последици, се вели во коментар на Корејската централна новинска агенција.
– Секој ден слушаме за апсурдни забелешки од Кина кои сегашната лоша ситуација ја прават се повеќе тензична, се вели во коментарот.
Кина ја повика неколкупати државата да ги запре нуклеарните проби и тестовите со балистички ракети. Невообичаено е Северна Кореја да ја критикува директно Кина, наведуваат американски медиуми. Претходните критики беа со формулации како „една соседна држава“.