На двата натпревара одиграни ноќеска во рамките на НБА плеј офот домашните екипи остварија убедливи победи.
Кливленд го совлада Торонто со 125:103 и поведе со 2-0 во полуфиналната серија, додека Сан Антонио беше подобар од Хјустон со 121:96 и изедначи на 1-1 во победи. И на двата дуела поразените тимови имаа минимално водство само на почетокот на натпреварите.
На дуелот Кливленд – Торонто најпрецизен беше Леброн Џејмс, кој постигна 39 поени, а Кајри Ирвинг беше стрелец на 22, двајцата од Кливленд. Каваи Ленард од Сан Антонио со 34 поени беше најефикасниот на дуелот Сан Антонио – Хјустон.
Во следните два дуела од серијата предноста на домашен терен ќе ја имаат Торонто односно Хјустон.