Русија ја осудува употребата на хемиско оружје и бара целосна и непристрасна истрага за минатомесечниот напад со отровен гас врз сирискиот град Хан Шејхун, изјави денеска рускиот претседател Владимир Путин по состанокот со германската канцеларка Ангела Меркел.
– Виновниците мора да бидат најдени и казнети. Но, тоа може да се стори дури по непристрасна истрага, истакна Путин на заедничката прес конференција во Сочи, на брегот на Црно Море, пренесоа британските медиуми.
Рускиот претседател укажа и дека решението за сириската криза може да се најде само по мирен пат и под патронат на ОН.