Струмичките одбојкари го одбранија трофејот во Куп на Македонија. Во финалето на националниот куп кој се одржа токму во Струмица, домаќинот беше убедлив во дуелот против тетовската екипа Лешок, која ја совлада со максимални 3-0 во сетови.
Уште по првиот сет Струмичани најавија дека ќе атакуваат на победа, па сетот го добија со 25:17. Во следните два тие на противникот му препуштија само по 14 поени (25:14 и 25:14), за конечни 3-0 во сетови.
За екипата на Струмица ова е четврта титула во Купот на Македонија во последните шест сезони.
Струмичани ќе имаат можност да ја освојат и двојната круна, бидејќи во финалето на Шампионатот важат за големи фаворити во дуелот против Пробиштип.
Финалната серија од плејофот меѓу Струмица и Пробиштип ќе започне на 3 мај.