Известувањето на одредени провладини српски медиуми за бруталниот напад во македонското собрание е изненадувачко, бидејќи се оправдува насилството, наведува српско-рускиот портал Кремлин.
– Ме чуди што медиуми блиски до власта и некои политичари наоѓаат разбиирање за Никола Груевски, упадот во парламентот и линчот на пратениците, вели аналитичарот и уредникот на Нова Српска политичка мисла, Ѓорѓе Вукадиновиќ,а го пренесува српско-рускиот информативен портал Кремлин.
– Зачудувачки е како сега Груевски е жртва, патриот и близок на Србите, кога тој е човекот што апсеше српски владики и ги поддржуваше Албанците со оглед дека ја призна независноста на Косово и гласаше за влез на Приштина во УНЕСКО. Зачудувачки е како Груевски беше антисрпски настроен, а сега е херој на српството. Загрижува поддршката и болна блискост на властите во Скопје, Подгорица и Белград, вели Вукадиновиќ.