Шефот на кинеската дипломатија Ванг Ји денеска во Советот за безбедност на Обединети нации ја повика Северна Кореја да ги прекине своите нуклеарни и ракетни активности и ги предупреди сите страни дека „употребата на сила не ги решава разликите и дека само ќе води кон поголеми катастрофи“.
Ванг истот така апелираше и до САД и до Јужна Кореја да се воздржат од воени вежби.
Иако Вашингтон инсистира дека е неопходно Кина да го зголеми притисокот врз Северна Кореја, Ванг оценува дека клучот за решавање на нуклеарниот проблем на Корејскиот Полуостров не е во рацете на Кина. Тој укажа на неопходност од дијалог и компромис од двете страни.
Ванг оцени дека распоредувањето на антиракетниот систем на САД во Јужна Кореја „сериозно ја поткопува“ кинеската стратешка безбедност и ја загрозува довербата меѓу страните за Северна Кореја.
Тој го повтори кинескиот предлог до Пјонгјанг да ги стопира своите нуклеарни и ракетни програми во замена за прекинување на воените вежби на САД и Јужна Кореја. Но, таквиот предлог претходно беше отфрлен.