Американскиот претседател Доналд Трамп прв пат денеска се сретна со генералниот секретар на Обединетите нации Антонио Гутереш, изјави портпаролот на ОН, Стефан Дужарик.
И двајцата стапија на должностите во јануари.
Гутереш разговарал 15 до 20 минути во Белата куќа со Трамп и неговиот советник за национална безбедност Ејч Ар Макмастер.
Дужарик нагласи дека тие имале „добра дискусија“ за соработка меѓу САД и ОН.
Гутереш и Трамп се договириле наскоро повторно да се сретнат.
САД имаат најголем финансиски придонес во ОН. Трамп споменуваше за намалување на американското финансирање, но засега не презел никакви конретни активности.