Во с.Жабени-битолско вчера околу 16:15 часот додека екипа од ЕВН Македонија отстранувала дефект на електрична енергија, В.М.(33) вработен во ЕВН разговарал со Н.И.(29) и во еден момент од појасот извадил сигнален пиштол и испукал еден куршум, по што Н.И. си заминал.
По кратко време, екипата на ЕВН се упатила да отстранува дефект на друг столб од високо напонска мрежа, каде пристигнала група од околу 10-15 жители од селото кои ги прашале вработените зошто пукале и започнале расправија со истите, а во еден момент вработениот В.М.(33) од Битола се качил на столбот и паднал на земјата.
Од страна на екипа на итна медицинска помош В.М. е пренесен во Клиничка Болница Битола каде се констатирани тешки телесни повреди и повреди од струен удар и истиот е задржан за понатамошно лекување. Извршен е увид на местото на настанот, а се преземаат мерки за целосно расчистување на случајот.