Прекин во водоснабдувањето денеска од 9 часот ќе имаат Музичко – балетскиот училишен центар „Илија Николовски – Луј“, Уставниот суд, Комерцијална банка и околните објекти во општина Центар.
Како што соопшти РЦУК – Скопје, прекинот е поради изведување водоводен приклучок на улицата „Црвена скопска општина“, пред Министерство за транспорт и врски. Корисниците ќе бидат без вода се до завршување на интервенцијата.