„Ѓорге Иванов е должен да овозможи мирен транфер на власта, а не да штити криминални платформи за лични и партиски цели.
Единствената платформа што претставува закана за граѓаните и државата е нафтената криминална платформа на Никола Груевски и ВМРО-ДПМНЕ.
Целата домашна и меѓународна јавност знае дека постои Програма на новата реформска Влада на унитарна Македонија. Постои легитино парламентарно мнозинство од 67 пратеници и демократските процеси мора да продолжат.
Тие се едиствено решение против расцепите, поделбите, бинационалната држава, кон што водат политиките на Груевски што ги штити Иванов.
Потребен е здрав разум и таа порака не случајно ја испрати меѓународната заедница.
Иванов не смее да ги загрозува државните интереси. Тоа не смеат да го прават ни пратениците на ВМРО-ДПМНЕ.
Мнозинската волја ќе се испочитува. Согласно Уставот, Деловникот и законите Македонија ќе добие легитимен претседател на Собранието, функционално Собрание и нова реформска Влада на граѓаните“, се вели во соопштението на СДСМ.