„Психолошката зрелост” на постарите мајки има позитивно влијание на развојот и благосостојбата на детето, покажува истражувањето спроведено во Европскиот журнал за развојна психологија.
Како што е наведено, децата чии мајки се постари имаат помали проблеми со емоциите и однесувањето. Исто така, тие деца трпат помалку физичко дисциплинирање од тие чии мајки родиле на помлади години.
Истражувачите ги испитале односите на 4.741 мајки и нивните деца во Данска, откако било објавено дека бројот на повозрасните мајки во развиениот свет е во пораст.
Студијата покажала дека позитивните работи кај „постарите мајки” се видливи се до адолесцентскиот период. Така децата на постари мајки биле вербално и општествено поспособни од своите врсници чии мајки се помлади, без оглед на социјалниот статус, образованието и други надворешни фактори.
– Знаеме дека луѓето со годините стануваат ментално пофлексибилни и потолерантни и самите подобро емотивно се развиваат, вели професорот Дион Сомер.
Според него, тоа е причина поради која младите мајки се почесто посегнуваат по физичко казнување на децата.
Тоа е многу значајно до 15 година од животот, а потоа се согледува разликата во тоа како децата реагираат на било кој вид на казнување од родителите.