Пратениците на СДСМ и коалицијата веќе искористиле еден метод за деболкирање на конститутивната седница, а тоа е доведување до апсурд на целата ситуација пратениците од ВМРО-ДПМНЕ да дебатираат сами со себе. Пратеникот и портпарол на СДСМ, Петре Шилегов во изјава за А1он рече дека тие би продолжиле со дебата единствено ако Собранието работи до исцрпување на точките на дневен ред.
– Веќе 62 пратеници поднесовме барање за продолжување на работата на седницата меѓутоа на „големите македонски патриоти“ во ликот и делото на пратениците на ВМРО-ДПМНЕ очигледно бранењето на Македонија им е од 11 до 18 часот, се друго понатаму е за нив неприфатливо, вели Шилегов.
Тој кажа дека немало координативна седница, туку тоа било алиби на ВМРО-ДПМНЕ да побараат пауза со цел да се одложи работата на седницата.
– Очигледно е дека оваа струкутра на луѓе не прави ништо друго освен што ги одложува процесите со цел за себе и за раководството на ДПМНЕ избегне евентуална одговорност за кривичните дела. Проблемот е што заради таквото нивно поведение плаќаат граѓаните, а не може да се спроведат реформите и да одат напред демократските процеси, рече за А1он Шилегов.
Александар Тодески