Во Националната установа Центар за култура „Бели мугри“ во Кочани во присуство на голем број љубители на хуморот и сатирата, синоќа се одржа традиционалната годишна манифестација „Вечер на македонскиот афоризам“ во организација на Афористичката репрезентација на Македонија.
– На Конкурсот за најдобар афоризам што го распиша здружението Афористичка репрезентација на Македонија под наслов „Луди и збунети“ учествуваа 14 автори од Македонија. Жири комисијата во состав Миле Ѓоргијоски, минатогодишен победник, Доне Донев од Кочани и Никола Талески од Битола, првата награда му ја доделија на Васил Толевски од Скопје, втората награда му припадна на Јане Атанасов од Кочани и третата на Марјан Ангеловски, млад, надежен афористичар од Скопје, изјави Јане Атанасов, претседател на Здружението Афористичка репрезентација на Македонија.
Жири комисијата додели уште три други награди, од кои специјалната награда и припадна на Наташа Ќурчинска, а дипломи добија Ристо Филчевски и Александар Кузмановски.
Специјалната плакети за истакнати личности кои придонеле за развој и промовирање на македонскиот хумор и сатира годинава му беше доделена на познатиот афористичар, хуморист, автор и поет Љупчо Силјановски.