Поранешниот прв рекет во светскиот тенис Каролине Вознијацки (Данска) и Британката Јохана Конта ќе играат во финалето на ВТА турнирот во Мајами, САД.
Ова е епилогот по полуфиналните мечеви во кои Вознијацки ја совлада својата имењачка Каролина Плискова од Чешка со 2-1 (5:7, 6:1 и 6:1), додека Конта рано утрово во два сета славеше победа над Венус Вилијамс (САД) со 6:4 и 7:5.
Мечот за трофејот е закажан за утревечер со почеток во 19 часот.
Финалистките со својот пласман во завршницата направија мало изненадување со оглед на тоа што Конта ја имаше улогата на 10-та носителка, додека Вознијацки пред турнирот беше рангирана како 12. фавориот за победа.