Милошоски два дена бесмислено се обидува да го наметне Груевски како некаков фактор, политичарите како нив не можат да бидат дел од решението, изјави портпаролот на СДСМ, Петре Шилегов.
Тој истакна дека постои договор за промена на квалитетот на животот на граѓаните, граѓански договор кој е против изолација на Македонија од ЕУ и НАТО и договор за реформи во државата.
-Договорот е на 800.000 граѓани преточен во 67 пратеници од сите партии во Собранието освен од ВМРО-ДПМНЕ, рече Шилегов.
Социјалдемократскиот сојуз на Македонија предложи ВМРО-ДПМНЕ да се помири со тоа дека е опозиција и да престане да го кочи Парламентот и реформите.
Спикерот Трајко Вељаноски ја прекина седницата и ги повика сите политички партии на координација. Седницата ќе продолжи во 17:30 часот.