Три непознати маскирани лица извршиле разбојништво во куќа во скопското село Арачиново и одезеле актовка во која имало 120.000 евра.
Како што соопшти денеска МВР, случајот изутринава во 5.15 часот телефонски во ЕИК го пријавил Б.С. (20) од Арачиново. Кражбата била извршена во куќата на неговиот татко.
Крадците влегле преку незаклучената врата и отишле во спалната соба во која спиел неговиот татко И.С. (45), го разбудиле со закана со пиштол, по што отишле во собата каде спиел Б.С. и од под креветот одзеле актовка во која имало 120.000 евра заедно со документ дека се подигнати од банка.
Парите потекнувале од продажба на недвижен имот (нива) од пред два месеци. Се преземаат мерки за пронаоѓање на сторителите и за целосно расчистување на случајот.