Реагирам зошто се злоупотребува говорницата. Сведоци сме на разни квалификации, се реплицира за да се исправи нечиј говор, тоа е пропишано и во деловникот, рече Оливер Спасовски од СДСМ.
Тој истакна дека на седницата се разговара за се, освен за комисијата за избори и именување.
– Дали се сомневате дека Илија Димовски ќе донесе погрешна одлука? Ако се сомневате, побарајте од него нека објасни, рече Спасовски.
Илија Димовски реплицираше дека не им требаат часови и лекции од партија која во изминатите 10 години покажала како се блокира Собранието.
– Наша цел е да дебатираме, да дебатирате и вие. Вие сте тие кои криете како работите. Се ќе направиме со цел да предизвикаме дебата, рече Димовски.
Тој кажа дека треба да се има трпение и разбирање и дека не се разговара за избор на комисијата, туку за тоа како треба таа комисија да постапува.
– Пораките од пратениците и членовите се легитимни и треба да се сослушаат. Оние кои не сакаат да слушаат ќе прослушаат. Оние кои не сакаат да дебатираат, ќе почнат да зборуваат, рече Димовски.