За време на викендот е извршена тешка кражба во црквичето „Св. Никита“ кое се наоѓа во склоп на црквата „Св. Ѓорѓија“ во Скопје.
Полицијата денеска соопшти дека кражбата е извршена во црквичето на улицата „Марко Орешковиќ“ во периодот од 17:30 часот во саботата до 7 часот во неделата. Крадецот насилно ја отворил помошната просторија по што го искршил катанецот од дрвеното сандаче за пари и одзел околу 5.000 денари.
Се преземаат мерки за пронаоѓање на сторителот и за целосно расчистување на случајот.