Триесет и шестгодишен ресенчанец вчера починал во несреќен случај сечејќи дрва, соопшти МВР.
Во полициската станица Ресен вчера околу 13:10 часот било пријавено дека во село Долно Перово дошло до несреќен случај во кој Р.Т. (36) од Ресен починал. Несреќата се случила кога Р.Т. сечел на дрва, односно додека стоел на гранка и сечел друга гранка во еден момент гранката се скршила и го потиснала за стеблото, по што починал.
Увид на местото на настанот извршиле јавен обвинител и екипа од ПС Ресен. Со согласност на јавен обвинител, телото на починатиот е дадено на семејството за погреб.