Британската полиција пушти на слобода уште едно лице кое беше уапсена поради нападот во Лондон што се случи во близина на британскиот Парламент.
Во моментот во притвор е задржано само уште едно лице, 58-годишниот маж кој беше уапсен во четвртокот во Бирминген, градот во кој живеел и напаѓачот Халид Масуд.
Полицијата приведе 11 лица поради нападот.
Од 10-те ослободени лица една 32-годишна жена е пуштена со кауција, наведе британската полиција.
Четири лица загинаа, а 50 се повредени при нападот што се случи во средата пред Парламентот во Лондон.
Британската полиција се обидува да утврди дали напаѓачот делувал сам.