Седумдесет и седумгодишниот Ј.Ј. од село Долно Паличиште, кој беше пријавен дека исчезнал на 20-ти овој месец, вчера е пронајден починат во во одводен канал во атарот на селото.
Како што соопшти МВР, вчера во 7:45 часот во Полициското одделение Камењане, Б.Ј. (49) син на Ј.Ј. пријавил дека во одводен канал на местото „Пропаст“ атар на село Долно Палчиште го пронашол неговиот татко починат.
Увид на местото на настанот извршиле јавен обвинител и екипа од СВР Тетово. Притоа, било констатирано дека нема траги на насилна смрт.
По наредба на Јавен обвинител телото на починатиот е предадено на семејството за погреб.
