Ракометарите на шампионот на Белорусија Мешков Брест со победата постигната синоќа над Загреб на гости со 31:25, обезбедија пласман на „фајнл-фор“ турнирот во СЕХА лигата.
Мешков со овој триумф го мина Загреб на табелата и со тоа обезбеди полуфинале против шампионот во оваа лига унгарски Веспрем.
Во второто полуфинале ќе играат македонскиот првак Вардар и хравтскиот Загреб.
Завршниот турнир ќе се игра од 7 до 9.април, а кој ќе биде домаќин ќе биде објавено во понеделник на 20.март.
Конечна табела: Вардар 47 бодови, Веспрем 44, Мешков Брест 35, Загреб 34, Цеље 33, Горење 18, Нексе 18, Металург 17, Татран Прешов 13, Извиѓач 4.