Либерално демократската партија реагира на информациите дека ЕМО Охрид оди во стечај.
ЛДП е сериозно загрижена за овие најави.
За жал, велат, наместо да се работи на развивање на стопанството во Охрид, продолжува тенденција за доуништување на постоечките брендови.
„Власта постојано најавуваше дека ќе пронајдат купувач за ЕМО и дека ќе ја решат тешката долгогодишната голгота низ која поминуваат повеќе од илјада семејства во Охрид. ЛДП бара од охриските пратениците на ВМРО-ДПМНЕ, како и „експертите” кои ги ангажираа за спасување на фабриката, кои постојано ветуваа оптимистички сценарија за ЕМО, веднаш или да преземат итни мерки за спасување на гигантот или во најмала рака да ја признаат капитулацијата на нивната политика “, стои во реакцијата на ЛДП.