Делегација на СДСМ во состав Диме Велковски, претседавач со ЦО на СДСМ, Цветанка Ласкова претседателка на Форумот на жени на ССМ и Дарко Давитковски член на ИО на СДСМ положи цвеќе и оддаде почит на поранешниот претседател на Република Македонија Борис Трајковски, денеска, на 13-годишнината од неговата смрт.
СДСМ, како и сите граѓани на Македонија, со достојна почит ги вреднува заложбите и придонесот на претседателот Трајковски кон Република Македонија, кој посветено работеше на соработка и заедништо и отвори нови перспективи за граѓаните. Овие вредности остануваат водилка за генерациите кои доаѓаат.
СДСМ е цврсто определена во негување и развој на соработката и заедништвото во интерес на добрата иднина на сите граѓани и Република Македонија.