„Во Македонија ќе има промени и правда и сите кои правеле криминал ќе одговараат.
Ова е незапирлив процес, така одлучија граѓаните на Македонија!
Никола Груевски и криминалното раководство на ВМРО-ДПМНЕ гледаат дека целата домашна и меѓународна јавност од Република Македонија очекува реформи и расчиствување на скандалот со прислушувањето и содржината на прислушуваните разговори, кои упатуваат на сериозни криминали што тие ги правеле.
Поради тоа веќе има и обвинети и осомничени, во најголем дел од најтесното раководство на ВМРО-ДПМНЕ, на чело со партискиот претседател Никола Груевски.
Затоа толку го мислат и замислуваат Идризово, од кое што се оправдано многу исплашени.
Но граѓаните 10 години страдаат од криминалите и злоделата што им ги правеше несовесната власт и сите требало да знаат дека ќе дојде моментот на одговорност.
Што се однесува до денешната прес конференција на Орце Ѓоргиевски од ВМРО-ДПМНЕ, јасно е за сите граѓани дека се тоа лаги и конструкции. Во тоа не веруваат ни сопартијците на Груевски кои поставуваат прашања, но ништо не се осмелуваат да тврдат, затоа што знаат дека сите институции сеуште се во рацете на криминалната власт и ако имаше и буква точна од изнесените лаги досега ќе беа преземеа соодветни мерки.
Порачуваме на чесните партиски членови на ВМРО-ДПМНЕ да не дозволуваат да бидат користени од криминаното раководство на ВМРО-ДПМНЕ кое во замислените обиди да се спаси е подготвено сите да ги повлече со себе“ се вели во соопштението на СДСМ.