Кандидатот на претседателските избори во Србија, Александар Вучиќ тргна во изборна кампања со спот кој е инспириран од реклама за украинска политичка партија.
Од спотот е видливо дека досегашниот премиер Вучиќ и претседателот Томислав Николиќ имале дијаметрално спротивни ставови во однос на иднината на Србија. Николиќ кој ќе биде противкандидат на Вучиќ е наклонет кон Русија, а веќе се појавија и првите неофицијални информации дека зад неговата кампања ќе застане Москва со 20 милиони долари.
Украинската верзија од спотот е од партијата Успешна Украина и повикува на единство на народот за да ја превземе контролата врз земјата. Спотот е изработен од агенцијата Shaviv Strategy and Campaigns, која што на својата веб страница пишува дека соработува со политички партии и лидери од повеќе земји, вклучувајќи ја и Србија.