Полицијата поднесе кривични пријави против М.А. (51) и Ж.А. (51) од село Трсино поради основано сомнение за сторени кривични дела „спречување службено лице во вршење службено дејствије“ и „кражба на дрва“.
На 22 јануари годинава пријавените биле затекнати од шумската полиција кај местото „Крашт“, во атарот на село Трсино, со натоварени на трактор и приколка 1,6 кубни метри дабови огревни дрва без печат и документи. Усно им било наредено да го достават тракторот во ЈП „Македонски шуми“ – подружница Виница, а при одземање на моторната пила првопријавениот давал физички отпор.