Форумот на жени на СДСМ денеска ќе ја спроведе традиционалната хуманитарна акција Дарувај од срце во соработка со Црвен Крст на Р.Македонија.
Целта на акцијата е да се обезбеди топла облека, обувки, покривки… на нашите сограѓани на кои им е тоа најпотребно во овие зимски денови.
Акцијата истовремено ќе се одвива во сите градови на Р. Македонија во организација на општинските форуми на жени.
Собирното место во Скопје ќе биде во паркот Жена борец во 12 часот, од каде што донацијата заедно ќе ја доставиме во пунктот Даре Џамбаз.
Хуманоста не познава граници и различност, освен широко отворени срца полни со љубов.
Форумот на жени на СДСМ ги повикува сите граѓани кои се во можност да ја поддржат хуманитарната акција.