„Учениците во Визбегово заслужуваат да учат во современо и модерно училиште. А погледнете го овој објект зад нас, што 10 години не е приоритет за локалната власт. А се работи за услови во кои учат и поминуваат дел од денот, ученици, нашите деца.
За родителите од населбата Визбегово во којашто има 3.000 жители, и за учениците, одењето во училиште е вистински кошмар.
Училишниот објект, како што може да видите, е во катастрофална состојба. Настава посетуваат само 10-тина ученици во една комбинирана паралелка. Останатите деца се приморани да пешачат со километри до соседни општини.
На последните локални избори во 2013 година, локалната власт од ВМРО-ДПМНЕ вети изградба на ново основно училиште во Визбегово, но тоа не се случи. Рокот за изградба беше до јуни 2015. Денес е февруари 2017. Истекува третиот мандат на градоначалникот Петре Латиновски во општина Бутел. Ново училиште нема!
Граѓаните на Бутел сакаат ново училиште за своите деца и достоинствени услови за живот. Затоа, по промените на парламентарните избори ќе има промени и во локалната власт. Граѓаните ќе изберат одговорна и посветена локална власт којашто ќе се грижи за нивните реални проблемии и за потребите на нивните деца“, изјави Николина Нолевска, советник во Советот на Општина Бутел.