Едно лице е полесно повредено во една од вкупно шест сообраќајни незгоди што се случиле во текот на вчерашниот ден во Скопје. Во пет сообраќајки е причинета материјална штета.
Сообраќајната полиција вчера санкционирала 12 возачи кои се движеле со брзина поголема од дозволената, пет возачи кои поминале на црвено светло на семафор, тројца возачи кои го управувале возилото под дејство на алкохол и се исклучени од сообраќај, 12 возачи кои го управувале возилото без возачка дозвола, односно нерегистрирано, како и 19 возачи кои за време на управување на возилото не го користеле сигурносниот појас или го користеле мобилниот телефон. Санкционирани се и пет пешаци кои сториле прекршоци по разни основи, а затекнати се 56 непрописно паркирани возила.
Со специјалното возило „пајак“ отстранети се 74 возила.
Одделението за превенција при СВР Скопје денеска ќе одржи сообраќајна поука на која ќе присуствуваат граѓани учесници во сообраќајот во својство на возачи, кои не го користеле сигурносниот појас или го користеле мобилниот телефон за време на управување на возилата.
