Германската Влада призна дека мисијата на Европската унија за борба со шверц на мигранти во Средоземното Море, наречена Операција Софија, всушност им помага на криумчарите на луѓе, јави ДПА.
– Организациите за шверц на луѓе во пресметките го имаат и присуството на бродовите во водите, се вели во одговор на германската Валда на прашање на претставник на партијата Левица.
Според Берлин, овие шверцерски групи знаат дека меѓународните закони за морски сообраќај ги обврзуваат бродови на ЕУ да укажат итна помош.
Бродови на германската Воена морнарица спасиле 9.455 мигранти и бегалци во Средоземното Море од почетокот на операцијата во јуни 2015 година.
Уште 22.641 лице се спасени од другите 24 држави што учествуваат во операцијата, а 351 брод на криумчарите се уништени.