Белата куќа ги истражува појавувањата во медиумите на деталите од телефонските разговори на американскиот претседател Доналд Трамп со лидерите на Австралија и Мексико, соопшти потпаролот Шон Спејсер.
„Претседателот е многу сериозен во врска со овие протекувања на информации“ рече Спејсер.
Вашингтон пост објави дека разговорот на Трамп и австралискиот лидер Малом Тарнбул не поминал најдобро. Според податоците од различни медиуми, кои се повикале на „информирани извои“, Трамп во текот на разговорот се налутил и прерано го завршил повикот.
Подоцна Тарнбул изјави дека е разочаран што деталите од разговорот со Трамп излегле во јавноста. Тој разговорот го опишал како многу искрен и отворен.
Австралискиот премиер рекол дека не е точно дека Трамп нервозно ја спуштил слушалата, туку дека разговорот завршил љубезно.
„Му благодарам на премиерот на Австралија што ја кажа вистината за нашиот љубезен разговор, а за кои лажните медиуми соопштија лажни вести“ напиша Трамп на Твитер.
Медиумите исто така имаа информации и детали и од првиот разговор на Трамп со претседателот на Мексико.