Руското Министерство за одбрана внимателно ја следи ситуцијата на Црно Море, каде НАТО извршува поморски вежби, изјави денеска рускиот министер за одбрана, Сергеј Шојгу.
– Голема група бродови учествуваа во вежбите на Црното Море. Некои се веќе таму, додека други се уште се на пат. Генералштабот и командантот на Јужниот воен дистрикт ги презедоа сите мерки за внимателно следење на таа група и нејзините активности на Црното Море. Можеме да видиме и под контрола да држиме се што таму се случува, рече Шојгу.
Рускиот министер изрази надеж дека вежбите ќе бидат одржани во најбезбедно опкружување и без какви било предизвици за Русија.
– Во спротивно ќе бидеме подготвени да одговориме на тие предизвици, заклучи Шојгу.