Проблемите, кои сме ги доживеале во детството го определуваат квалитетот на нашиот живот како возрасни. Тие исто така можат да влијаат врз начинот на однесување, кој понатаму можат да го усвојат нашите деца, како и на начинот на кој се соочуваме со проблемите.
Следуваат пет емотивни рани од детствотот според Лис Бурбо:
1. Страв од напуштање
Осаменоста е најлош непријател, за оние кои биле напуштени во текот на детството. Тука постои константно внимание на недостатоците, што ќе доведе кај оние кои пателе од ова до напуштање на партнерите или проектите, додека е се уште „време за тоа“ од страв тие да не бидат напуштени.
Тоа е однесување од типот „Јас ќе си заминам, пред ти да ме оставиш“, „Никој не ме поддржува, не можам да го поднесам сето ова“, „Ако одиш, не се враќај“.
Личностите, кои го доживеале искуството на оставање во текот на детството мораат да поработат на својот страв од самотија, страв од отфрлање и невидливите бариери на физичкиот контакт.
Раните кои настанале со напуштањето, не се ниту малку лесни за лекување. Сами ќе станете свесни кога раните ќе почнат да зараснуваат и кога ќе исчезне стравот од осаменост и ќе биде заменет со внатрешен дијалог, кој е позитивен и полн со надеж.
2. Страв од отфрлање
Имајќи предвид дека станува збор за длабока рана, таа предизвикува внатрешно отфрлање.
Кога ќе се појави мора да се влијае на повеќе фактори, како отфрлање од родителите, семејството или самите себе. Тоа создава чувство на одбивност, негативни мисли, чувства на непожелност, што доведува до потценување на самите себе.
Личноста, која страда од ова болно искуство чувствува дека не заслужува внимание, ниту разбирање од кого било и се изолира во својата внатрешна празнина поради страв од отфрлање. Веројатно ако сте имале вакви проблеми во детството ќе бидете „недостижна“ личност. Поради тоа неопходно е да работите на своите внатрешни стравови и на ситуациите, кои создаваат паника.
3. Понижување
Ова рана настанува кога во различни моменти имаме чувство дека другите не го одобруваат тоа што го правиме и не критикуваат. Овој проблем дури можете да го пренесете и на своите деца. Говорејќи им дека се невоспитани, непристојни и безобразни, како да ги изложувате своите проблеми пред другите: ова ја уништува самодовербата на детето. Со ова однесување најчесто се создава личност зависна од другите.
Можете да заземете став на тиранин и егоист, како одбранбен механизам и можете да ги понижувате другите заради создавање на оклоп за да се заштитите самите себе.
Доколку сте доживеале вакви искуства морате да работите на вашата самостојност, на вашата слобода, на разбирањето на вашите потреби и стравови, како и на вашите приоритети.
4. Измама и страв да им верувате на другите
Ова чувство се јавува кога детето се чувствува измамено, особено од страна на едниот од неговите родители, кои не испочитиувал дадено ветување. Недовербата, која произлегува од овој проблем може да се претвори во завист и други негативни чувства, како и чувство дека не го заслужуваме тоа што ни е ветето и што другите го имаат.
Овие проблеми во детството создаваат сомнителни личности, кои секогаш сакаат да имаат се за себе. Ако како дете сте пателе од слични ситуации, веројатно ќе имате потреба да извршите некој вид на контрола врз другите, која обично се правда со силен карактер.
Овие личности треба да работат на трпението, толеранцијата, како и да научат да бидат сами и сами да одговараат за своите постапки.
5. Неправда
Се појавува во контекст кога уѓето, кои се грижат за децата се студени и авторитативни. Во текот на детството, претераните барања, кои ги поминуваат границите, создаваат чувство на ефикасност и безвредност, како во детството, така и како возрасен човек.
Директна последица кај оние кои претрпеле неправда е ригидноста, бидејќи овие личности ќе се обидат да станат мошне важни и да освојат голема моќ. Тоа веројатно ќе доведе до создавање фантазија за ред и перфекционизам, како и неможност да бидат сигурни во одуките, кои ги носат.
Тие треба да поработат на довербата и на менталната сила, обидувајќи се да бидат пофлексибилни и да им веруваат на другите.