Од „Фридом Хаус“ реагираат до новоиот американски претседател Доналд Трамп, во врска со неговите коментари дека тортурата може да биде ефективна испрашувачка техника.
„Го повикуваме претседателот Трамп да се откаже од користењето на тортура и да искаже целосна посветеност во зачувување и почитување на американскиот закон за испрашување“ изјави Даниел Калингарт, в.д. претседателот на „Фридом Хаус“.
„Фридом Хаус константно повторува дека користењето на тортура ја компромизира позицијата на САД во светот и ја загрозува, а не ја засилува, нашата национална безбедност. Демократијата се заснова врз владеење на правото и заштита на фундаменталните слободи за сите и сметаме дека САД треба да води со пример.“ заврши тој.