Македонската армија денеска ќе добие воена опрема во вредност од 700 илјади долари, донација од Република Турција.
Опремата се состои од седум нови возила од типот „лендровер“ и едно ново возило „кобра“ и е наменета за опремување на единиците на Армијата на Република Македонија.
На примопредавањето на опремата е најавено присуство на министерот за одбрана Фатмир Бесими, началникот на Генералштабот на АРМ, генерал-мајор Горанчо Котески, заменик-министерот за одбрана, Емил Димитриев, амбасадорот на Република Турција во Македонија, Ѓурол Сокменсуер, военото аташе на Република Турција, полковник Осман Нури Јилдирим и други гости.