Укината забраната за движење на тешки товарни возила на планинскиот премин Стража во 10:55 часот.
Според соопштението на Автомото сојузот на Македонија сообраќајот во Македонија се одвива во отежнати услови поради врнежите од снег и дожд. Забрана за движење на тешки товарни возила има на патниот правец Маврово-Дебар.
На сите останати магистрални и регионални патни правци низ државата сообраќајот се одвива забавено и по влажни колозови. Врнежи од снег има на сите планински превои.
На скопскиот аеродром Александар Велики досега се реализирани сите полетувања, а на охридскиот аеродром `Св. Апостол Павле` не се планирани летови, но оттаму информираат дека тој е отворен за сообраќај.
