Пет сообраќајни несреќи се случиле во текот на вчерашниот ден во Скопје, од кои во три со полесни повреди се здобиле четири лица, а во две е причинета материјална штета.
Од страна на сообраќајната полиција, вчера санкционирани се двајца возачи кои го управувале возилото под дејство на алкохол и се исклучени од сообраќај, двајца возачи поминале на црвено светло на семафор, осум возачи го управувале возилото без возачка дозвола, односно нерегистрирано, како и осум возачи кои за време на управување на возилото не го користеле сигурносниот појас или го користеле мобилниот телефон. Затекнати се и 35 непрописно паркирани возила
Со специјалното возило „пајак“ отстранети се 70 возила.