Највисоката просечна плата во регионот, според најновите податоци, во изминатата година беше во Словенија, 1.020,40 евра, а најниска во Македонија, само 363,80 евра (22.460 денари).
Просечната плата во Хрватска изнесувала 749,70 евра (5.642 куни), во Црна Гора 503 евра, во Босна и Херцеговина 428 евра и во Србија 369,70 евра.
И покрај тоа што просечната плата во Словенија од 1.020,40 евра, според податоците за октомври минатата година, беше најголема во регионот, сепак, е за 15,2 евра помала во однос на претходната година во Словенија, кога изнесувала 1.035,60 евра.
Во Македонија, како најниска во регионот, просечната плата е за 9,20 евра е помала споредбено со крајот на 2015 година и на почетокот на минатата година, или 373 евра.
Намалени се и просечните плати во Босна и Херцеговина за 2,5 евра и Хрватска за 12,3 евра.