Во Тетово на крстосницата од улиците „Маршал Тито“ и „Јане Сандански“, околу 04,00 часот утрово три непознати лица влегле во такси возило управувано од Т.С.(61) од Тетово и физички го нападнале таксистот.
МВР денеска соопшти дека непознатите лица прво барале да ги превезе до „Арабати баба Теќе“, а откако стигнале на наведеното место, побарале да ги однесе до ул. „146“ каде почнале да го удираат со тупаници во пределот на главата, по што извршиле разбојништво одземајќи му 2.000 денари, два мобилни телефони и паричник со документи.
Се преземаат мерки за откривање на сторителите.