Иванова: ВМРО-ДПМНЕ произведува режиран хаос за законот за бранители

Од:

„ВМРО-ДПМНЕ јавно призна дека произведува  режираниот хаос. Нема да дозволам да бидам вовлечена во сценариото на ВМРО-ДПМНЕ и на ДУИ“, вака реагира претседателот на Комисијата за труд и социјална политика Цветанка Иванова, на барањето на ВМРО-ДПМНЕ, да прекине расправата по законот за бранителите и комисијата како матично тело да разгледа девет закони по скратена постапка, предложени од Владата , а се однесуваат на пензиското и инвалидското осигурување  и социјална помош.

Вељаноски, треба да ја преземе одговорноста и за  водењето на седницата за Законот за бранители, ова е ставот на Иванова, по брифингот кај првиот парламентарец Трајко Вељаноски дека има право да закаже седница на Комисијата ако Иванова не сака да го стори тоа.

Се повикува на  собраниските прописи во кои  стои:седница на работното тело свикува претседателот на работното тело. Претседателот свикува седница и ако тоа го побара претседателот на Собранието или најмалку една третина од членовите на телото, кои треба да достават материјал за прашањето што предлагаат да се стави на дневен ред на седницата.
Ако претседателот на работното тело не свика седница кога е должен тоа да го стори, седницата ја свикува претседателот на Собранието.

Претседателката на Комисијата, Цветанка Иванова останува на ставот, до завршување на Законот за бранители, друго во Комисијата нема да се разгледува.

 

Би можело да ве интересира

Собранието ќе ги продолжи прекинатите опозициски пратенички прашања

А1он

Собранието го донесе вториот ребаланс на Буџетот за 2026 година

Милошоски: Измени на Кривичниот законик за намалување на ризиците поврзани со членството во СЕПА

(ВИДЕО) Опозицијата го критикува вториот ребаланс на Буџетот: Висок дефицит и намалени капитални инвестиции

Законот за јавни набавки повторно во Собранието, поднесени 2.158 амандмани

Катерина Ѓуровски

За измените на Законот за јавни набавки поднесени 2.158 амандмани, ВМРО-ДПМНЕ бара бришење на членот оспорен од претседателката Сиљановска Давкова