Два лица вработени во фирмата „Линг медија плус“ ноќеска се повредени при монтирање на електрични светилки како дел од новогодишното украсување на Скопје.
Двајцата 20-годишници Ј.И. и А.Р. паднале од корпата во која се наоѓале додека ги местеле новогодишните светилки. Повредените со телесни повреди се пренесени во Ургентниот центар каде им е укажана лекарска помош.
Од полицијата информираат дека несреќата се случила 45 минути по полноќ на булеварот „Партизански одреди“ во близина на Буњаковец.
За случајот е известен и Државниот трудов инспекторат.