ЛДП реагира на односот на власта кон лекарите, тие велат, се изложени на силен политички притисок од власта, што е само потврда дека Македонија е земја без демократски капацитет.
За ЛДП е несфатлив односот на министерот за здравство, Тодоров, не само кон докторите и останатиот медицински персонал туку и кон здравството во целост.
„Тој на самиот почеток, уште кога штрајкот беше во најава, преку злоупотреба на својата положба, со судска пресуда стопира еден цивилизациски, демократски, синдикален протест, за потоа да изјави дека не го гледа штрајкот, па истите тие невидливи доктори да ги етикетира како партиски и поврзани со опозицијата, потоа да продолжи да ги навредува и нарекува неработници кои наводно се плашат од моделот плата по учинок, за сега, преку санитарни и трудови инспекции да врши притисок и прогон врз нив. Методи, за жал, својствени и веќе видени во едно минато време на монтирани политички процеси и провокатори поткажувачи“, рече Роза Т. Каревска.
ЛДП, вели,н ајмалку има за цел да ги брани докторите, затоа што тие, пред се, преку својата работа и посветеност на пациентите самите најдобро го прават тоа.
Ние само застануваме во одбрана на демократските придобивки како што се: изразувањето на сопствен став и мислење, организираното изразување на незадоволство и правото на штрајк. Особено сакаме да нагласиме дека бруталниот однос на министерот за здравство Тодоров што го манифестира кон докторите, кој патем не треба да биде својствен за човек одговорен за еден од најзначајните и најчуствителните сектори –здравство, крајно негативно се одразува врз пациентите. Гонењето на докторите од страна на министерот Тодоров преку притисоци врз пациентите да го поткажуваат и клеветат медицинскиот персонал всушност претставува гонење на пациентите“, вели Топузова Каревска.