Општина Центар најостро ги демантира написите во провладините медиуми за наводна прослава во „Александар Палас“ на сметка на општина Центар.
Општината ниту организирала, ниту платила било каква забава во хотелот, како што се шпекулира, а истото важи и за „ПОЦ“, за кое се вели дека ги покрило трошоците.
Лагата која се обидува да ја пласираат на сметка на општината е заради фактот што општина Центар е единствената општина која организираше голема хуманитарна акција и собра значителни средства кои ќе ги донира за жителите од социјално загрозените семејствата.
Бараме порталот „Журнал” да го објави овој демант во законски предвидениот рок, во спротивно општина Центар ќе покрене тужба за утврдување на одговорност и надоместување на штета за навреда и клевета.