Министерот за внатрешни работи Оливер Спасовски денеска се запиша во Книгата на жалост отворена во Амбасадата на Сојузна Република Германија во Скопје по терористичкиот напад во Берлин во понеделникот во кој загинаа 12, а беа повредени 48 лица.
Во Книгата, министерот Спасовски го изрази своето жалење и сочувство до германскиот народ и семејствата на жртвите и испрати желби за побрзо заздравување на повредените.
Спасовски, како што се наведува во соопштението од МВР, го осуди срамниот и кукавички чин и порача дека тероризмот мора да биде победен заеднички со силно партнерство и соработка на сите земји од меѓународната заедница.