Новогодишна бајка, вселенски брод, џунгла, вака вредните раце и имагинацијата на децата од градинките од општина Центар ги замислија и изградија своите занимални од соништата.
Општина Центар годинава го реализираше проектот – избор на најдобра и најкреативна занимална и ги награди најдобрите.
„Воодушевен сум од она што го видов, навистина е тешко да се избере најдобро решение, предлог или замисла на нашите дечиња. Секогаш кога ќе дојдам овде, директорката подготвува некоја задача. Овој пат задачата е ова да стане традиција. Се разбира дека ќе стане традиција. Но, она што го видовме овде, вашиот ентузијазам не’ задолжува уште повеќе да продолжиме со нашата поддршка“, рече градоначалникот на општина Центар, Андреј Жерновски.
„Општината Центар, градоначаликот и стручните служби имаат длабок сенс секогаш да ја поддржат психолошко-педагошката, воспитувачката и воспитно-образовната мисија на градинките. Затоа, секогаш го ставаат детето на највисокиот пиедестал, за во иднина децата да станат најдобрите граѓани на ова општество“, рече директорката на градинката „Раде Јовчески Корчагин“, Мирјана Василевска.
Општина Центар, како и досега, ќе ги обезбедува најдобрите услови за воспитување и престој на децата и ќе ја поттикнува и наградува креативноста на децата.
